ອິນເດຍ ແລະ ອາເມຣິກາ ດຳເນີນການຊ້ອມຮົບຢູ່ Alaska
ອີງຕາມເວັບໄຊ Vietnamnet ລາຍງານໃຫ້ຮູ້ວ່າ: ກະຊວງປ້ອງກັນປະເທດອິນເດຍ ກ່າວວ່າ, ອິນເດຍ ແລະ ອາເມຣິກາ ຈະຈັດການ
ຊ້ອມຮົບ Yudh Abhyas ຄັ້ງທີ 19 ຢູ່ຖານທັບທະຫານ Fort Wainwright ທີ່ Alaska ເລີ່ມແຕ່ວັນທີ 25 ກັນຍາ ຫາ ວັນທີ 8 ຕຸລາ
2023 ນີ້.
ໃນບັ້ນຊ້ອມຮົບຄັ້ງນີ້, ມີຈຳນວນພົນ 350 ຄົນ, ມີທະຫານເມືອງ Maratha ຂອງອິນເດຍ ເຂົ້າຮ່ວມການຊ້ອມຮົບ ແລະ ຝ່າຍອາເມຣິກາ,
ມີກອງບັນຊາການທະຫານບົກທີ 24 ຂອງກອງພົນທີ 1 ເຂົ້າຮ່ວມ. ໂດຍຫົວ ຂໍ້ຂອງການຊ້ອມຮົບແມ່ນການເຝິກແອບໃນສະພາບອາກາດຮ້າຍແຮງ,
ການຊ້ອມຮົບໄດ້ຈັດຂຶ້ນຖືກຕາມລະບຽບການສະຫະປະຊາຊາດທີ່ກ່ຽວຂ້ອງເຖິງການຮັກສາສັນຕິພາບ, ການຊ້ອມຮົບດັ່ງກ່າວຍັງຈະປະກອບດ້ວຍ
ການຊ່ວຍເຫຼືອດ້ານມະນຸດສະທຳ ແລະ ການເຄື່ອນໄຫວຊ່ວຍເຫຼືອກູ້ໄພພິ ບັດທາງທຳມະຊາດອີກດ້ວຍ.
ຕາມກະຊວງປ້ອງກັນປະເທດ ອິນເດຍ ກ່າວຕື່ມວ່າ, ສອງປະເທດຈະດຳເນີນການຊ້ອມຮົບຫຼາຍຄັ້ງ ເພື່ອເພີ່ມທະວີການຮ່ວມມືໃນການເຄື່ອນ
ໄຫວຮັກສາສັນຕິພາບ ແລະ ຜູ້ຕາງໜ້າຂອງທັງສອງຝ່າຍຍັງຈະດຳເນີນການສົນທະນາຢ່າງເລິກເຊິ່ງ ເພື່ອແລກປ່ຽນປະສົບການບົດຮຽນການທະຫານ
ໃນພາກພື້ນຕໍ່ກັນ ແລະກັນ. ສຳລັບການຊ້ອມຮົບຄັ້ງທຳອິດ Yudh Abhyas ໄດ້ຈັດຂຶ້ນໃນປີ 2002 ນັບແຕ່ນັ້ນມາເຫດການນີ້ຖືກຈັດຕັ້ງປະຈຳປີ
ໂດຍ ກອງທັບອິນເດຍ ແລະ ອາເມຣິກາ ເພື່ອແລກປ່ຽນບັນດາປະສົບການ, ຍຸດທະສາດ ແລະ ເຕັກນິກການທະຫານຂອງສອງປະເທດ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/10/2023